بەرشەلۆنە بۆندێکی تایبەتی بۆ مانەوەى میسی ئامادە کردووە

یانەى بەرشەلۆنە بۆندێکی پێنج ساڵی ئامادەکردوە و دەیەوێت پێشکەشی میسی بکات بۆ ئەوەى لە یانەکە بمێنێتەوە.

زۆربەى رۆژنامەکانی ئیسپانیا ئەمرۆ ئاماژەیان بەوەداوە کە ئیدارەى بەرشەلۆنە نامەیەکی ئاراستەى باوکی میسی کردوە بۆ ئەوەى لە زوترین کاتدا کۆبونەوە بکەن.

بە پێی هەواڵەکان، بارتۆمیۆ دەیەوێت خۆی سەرپەرشتی ئەم کارە بکات و لەنزیکەوە لەگەڵ باوکی و میسی دانیشێت و برگەکانی گرێبەستەکەیان بۆ شی بکاتەوە.

گرێبەستەکەى بارتۆمیۆ لەلایەن رۆژنامەکانەوە ئاشکراکراوە و تەئکید کراوەتەوە کە بۆ پێنج وەرزە و موچەکەشی دەبێتە زۆرترین لە ئەوروپا.

رۆژنامەى سپۆرت ئاماژەى بەوەداوە بارتۆمیۆی سەرۆکی بەرشەلۆنە دەیەوێت لە پرۆژەى داهاتوی بەرشەلۆنە میسی .یەکێک بێت لە بەشداربووەکان

پلانەکانی بەرشەلۆنە بۆ ساڵی نوێ ٢٠١٧

یانەی بەرشەلۆنە دەیەوێت لە ساڵی نوێدا چەند پلانێکی بخاتە بواری جێبەجێکردنەوەو گرێبەستی چەند یاریزانێکی نوی بکاتەوە.

ڕۆژنامەی سپۆرتی ئیسپانیا بڵاویکردەوە، یانەی بەرشەلۆنە بەردەوام دەبێت لە نوێکردنەوەی گرێبەستی ئەستێرەکانی و لە ماوەی ڕابردوودا گرێبەستی ماسکیرانۆ و سێرجیۆ بۆسکێتس و نەیمار و سوارێزی نوێکردەوە.

جۆسێب ماریا بارتۆمیۆ سەرۆکی یانەی بەرشەلۆنە ، دەیەوێت بە هاوکاری جێگرەکەی پلانەکانی بۆ ساڵی نوێ جێبەجێ بکات و گرێبەستی پێنچ لە یاریزانەکانی نوێ بکاتەوە.

هەروەها سەرۆکی بەرشەلۆنە دەیەوێت گرێبەستی لویس ئینرکی ڕاهێنەریشی بۆ چەند وەرزێکی تر درێژ بکاتەوە.

لە سەروو ئەو یاریزانانەی کە بەرشەلۆنە دەیەوێت گرێبەستیان بۆ نوێبکاتەوە، لیۆنێل مێسییە ، دواتر ئەندرێس ئینێستا و ئەندرییە تیر شتیگن و ئیڤان ڕاکیتیچ.